Службы 1-й седмицы Великого поста (2017)

Фото Юрия Сазонова

Начнем, людие, непорочный пост, / иже есть душам спасение, / поработаим Господеви со страхом, / елеем благотворения главы помажем, / и водою чистоты лица умыем, / не многоглаголем в молитвах, / но яко научихомся, тако возопиим: / Отче наш, Иже на небесех, / остави нам прегрешения наша, // яко Человеколюбец.

Преблагословенна благодать всечестнаго поста: / Моисей бо тем прославися, / и закон в писмени на скрижалех прият. / Огня сильнейшии отроцы юнии явишася: / в том убо погасим плотския страсти пламенеющия, / Христу Спасу вопиюще: // обращение нам всем даруй, и избави геенны.

Покаяния наста время, / воздержания покажи плоды, о душе моя! / Воззри к преждепокаявшимся, воззови Христу: / согреших, спаси мя, / якоже спасл еси Владыко мытаря, воздохнувша от сердца, Благий, // Един сый Многомилостивый.